Peyama Me

Armanca Arşîva Sûrî piştgirîkirina parêzvanên mafên mirovan, vekoler, parêzer û rojnamevanên welatî ye; Di hewildanên wan de ji bo belgekirina binpêkirinên mafên mirovan li Sûriyê û li seranserê cîhanê, bi rêya pêşxistina amûrên jêdera vekirî yên nû, û herwiha pêşkêşkirina rêbazeke şefaf û dubarekirî ji bo komkirin, parastin, verastkirin, û vekolandina belgeyên dîtbarî ji deverên nakok. Em bawer dikin ku belgeyên dîtbarî yên zelal, hûrgulî û pêbawer ên binpêkirinên mafên mirovan gavek girîng e ji bo bidestxistina berpirsiyariyê; û bi awayekî erênî beşdarî nûavakirin û aramiya piştî şer bike. Belgekirinên weha xwedî potansiyela însanîkirina mexdûran, kêmkirina deverên lihevnekirina li ser jimara kuştiyan, alîkariya civakan dike ku lêçûnên mirovî yên şer fam bikin, û her weha hewildanên dadwerî û lihevhatinê pêş bixin.

Nerîna me
Bi komkirin, birêxistinkirin û vekolîna delîlên dîtbar ên binpêkirinên mafên mirovan li ser axa Sûriyê, "Arşîva Sûriyê" armanc dike ku daneyan wekî bîreke dîjîtal biparêze, û danegeheke piştrastkirî ya binpêkirinên mafên mirovan li Sûriyê çêbike. Arşîva Sûriyê” hewl dide ku bibe yek ji wan amûran ku beşdarî pêkanîna Dadmendiyê û bilindkirina berpirsiyariyê wek têgeh û wekî sepandin li Sûriyê dibe.